बालकृष्ण ढुङ्गेलको आक्रोश     \

 

 

Shared with Public

बालकृष्ण ढुङ्गेलको यो आक्रोश \  Binod Neupane मार्फत् -

‘हिजो हामी गणतन्त्रका लागि युद्ध लडिरहँदा चुनजुम्रा मारेर बस्नेहरु अहिले सत्तामा पुगेका छन्, सिंहदरबारदेखि शीतलनिवाससम्म उनीहरु नै छन् । अनि हामी गणतन्त्रवादीहरुचाहिँ तिनका लागि जेल गइदिनुपर्ने ?’ बालकृष्ण ढुङ्गेलले आक्रोश पोखे ।

‘तर, तपाईले उज्जन श्रेष्ठ भुवनको हत्या गरेको होइन ? मान्छे मारेपछि त जेल जानै पर्‍यो नि हैन र ?’ पत्रकारको यो प्रश्नमा ढुङ्गेल अझै तात्तिए-  ‘जनयुद्धमा मान्छे मारिएकै हुन्, हामीले पनि मार्‍यौं, सत्ता पक्षले पनि मार्‍यो ।’

ढुंगेलले अगाडि भने- ‘प्रचण्ड अहिले प्रहरीको गाडी अघि-पछि लगाएर साइरन बजाउँदै, सुतेका मान्छेलाई ब्युँझाउँदै हिँडिरहेका छन्, अनि बालकृष्ण ढुंगेलले चाहिँ जेल गइदिनुपर्ने ? बाबुराम र मोहन वैद्यले जेल जानु नपर्ने, मैले मात्रै किन ? शक्ति बस्नेतलाई गृहमन्त्री बनाउन म जेल गइदिनुपर्ने ? यो कसरी न्यायसंगत हुन्छ ?’

आफ्नो पार्टीका नेताहरुको नाम लिँदालिँदै ढुंगेल देउवातिर खनिए । उनले भने- ‘त्यसबेला हाम्रो टाउको लिएर आउन निर्णय गर्ने शेरबहादुर देउवा जेल जानुपर्दैन ? नेपालको संविधानमा कहाँनेर लेखिएको थियो कि सरकारले टाउको ल्याउनेलाई पुरस्कारको घोषणा गर्न पाइन्छ ? बालकृष्ण ढुंगेलले जेल जानुपर्छ भने देउवाले पर्दैन ? त्यसबेलाका गृहमन्त्री वामदेवहरुले जेल जानुपर्दैन ?’

जनआन्दोलनका बेला जनतामाथि गोली चलाउने दूर्जकुमार राई यतिबेला सशस्त्र प्रहरीको कमाण्डर बनेको ढुंगेलले बताए ।

यति भनिसकेर ढुंगेलले नेपाली सेनाका कुमार लामाको नाम लिए । सेनाले त्यसबेला सरकारको आदेश पालना गरेर मान्छे मारेको ढुंगेलले बताए । ‘टाउको ल्याउन आदेश दिनेहरुचाँहि सत्तामा हालीमुहाली गरिरहेका छन्, कर्णेल कुमार लामालाई जेल हालिएको छ, ‘ढुंगेलले अनलाइनखबरसँग भने-  "म त भन्छु, आदेशको पालना गर्ने लामालाई अन्याय भइरहेको छ ।"

Ananda Ram Paudel  \  April 27, 2016.